Кара-Кыргыз автономиялуу облусунун түзүлгөндүгүнүн 100 жылдыгы жана Эгемендүүлүктүн 33 жылдыгына карата, үстүбүздөгү жылдын 22-31-августуна чейинки аралыкта Чолпон-Ата шаарында Кыргыз Республикасынын Президентинин көк бөрү боюнча кубогу өткөн. Мелдеште Баткен облусунун атынан барган "Ак Илбирс" командасы баш байгени ээледи. Чабандестерди бүгүн 11-сентябрда Баткен облусунун дарбазасынан Кызыл-Кыя шаарынын мэринин биринчи орун басары И.Бабаев баш болгон топ жылуу тосуп алып, республикалык мелдеште Баткен облусунун намысын коргогону үчүн жалпы командага ыраазычылык айтылып, жеңиш менен куттукташты.
Кызыл-Кыя шаарынын мэриясынын
маалыматтык камсыздоо кызматы.
