Бүгүн 2024-жылдын 1-ноябрында Кыргыз милициясынын 100 жылдык мааракеси белгиленди. Маараке Кызыл-Кыя шаарынын мэриясыныны жыйындар залында өтүп, ага шаар мэри А.Маткалыков, мекеме-ишканалардын жетекчилери, ИИМдин кызматкерлери жана ардагерлери катышты.
Шаар мэри тартип сакчыларын куттуктап, шаарыбызда тартипти сактоодо жана жашоочулардын бейпилдигин камсыз кылууда салымдары зор экендигин баса белгилеп, ыраазычылык билдирди.
Кызыл-Кыя шаарынын мэриясы тарабынан ардагерлерге жана кызмат учурунда кайтыш болгондордун жакын туугандарына акчалай колдоо көрсөтүлдү.
Ошондой эле кызматтык милдетемелерин так аткарып, коомдо тартипти орнотууга салымын кошуп келе жаткандарды, Кызыл-Кыя шаарынын 125 жылдык юбилейлик медалы жана ардак грамотасы менен сыйлады.
Тартип сакчыларын Кызыл-Кыя шаарынын прокурору Б.Өмүрканов да куттуктап, иш-аркеттерин берилгендик менен аткарып келе жаткандарды ардак грамотасы менен сыйлады.
Мааракенин аягында катышуучуларга шаардык маданият бөлүмү тарабынан даярдалган концерттик программа тартууланды.
Кызыл-Кыя шаарынын мэриясынын
маалыматтык камсыздоо кызматы.
Кызыл-Кыя шаарынын мэриясынын
маалыматтык камсыздоо кызматы.
