Бүгүн 2025-жылдын 15-мартында Кызыл-Кыя шаарында масштабдуу ишембилик өткөрүлүп, ага шаардагы мекеме-ишканалардын кызматкерлери, окуу жайлардын студенттери жана жергиликтүү тургундар активдүү катышты.
Ишембилик шаардын ар кайсы аймактарында, анын ичинде борбордук көчөлөрдө, парктарда жана турак жай массивдеринде жүргүзүлдү. Иш-чаранын алкагында таштандылар чыгарылып, тротуарлар жана жол четтери тазаланып, бак-дарактар кыркылды. Ошондой эле жаңы көчөттөр отургузулуп, отургучтар жана таштанды челектери иретке келтирилди.
Ишембилик шаардын тазалыгын камсыздоого жана тургундардын жоопкерчилигин күчөтүүгө багытталды.
Кызыл-Кыя шаарынын мэриясынын
маалыматтык камсыздоо кызматы.
