Кыргыз Республикасынын Президенти Садыр Жапаров кол койгон тескемеге ылайык, Кыргыз Республикасынын Конституциясынын 71-беренеси жетекчиликке алынып, "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамынын 47-беренесинин 1-бөлүгүнө ылайык, Бектуров Алтынбек Жунусович Баткен облусунун Кызыл-Кыя шаарынын мэри болуп дайындалды.
Шаар мэрин шаардын активине бүгүн Кыргыз Республикасынын Президентинин Баткен облусундагы ыйгарым укуктуу өкүлүнүн биринчи орун басары Маруфхан Тулаев тааныштырып, ишине ийгилик каалады.
Кызыл-Кыя шаарынын мэриясынын
маалыматтык камсыздоо кызматы.
