2024-жылдын 15-декабрында Кызыл-Кыя шаарында прокуратуранын демилгеси менен үй-бүлөлүк зомбулукту жана балдар катышкан кылмыштуулукту алдын алуу боюнча жыйын болуп өттү.
Иш-чарага Кызыл-Кыя шаарынын прокурору, юстициянын полковниги Б.А. Өмүрканов, шаар мэринин биринчи орун басары И. Бабаев жана тиешелүү мекемелердин жетекчилери катышты.
Жыйында Кыргыз Республикасынын “Үй-бүлөлүк зомбулуктан сактоо жана коргоо жөнүндө” мыйзамынын талаптарынын аткарылышы талкууланды. Иш-чаранын жүрүшүндө үй-бүлөлүк зомбулук жана балдар арасындагы кылмыштуулуктун себептери, алардын алдын алуу жолдору кеңири каралып, катышуучулар өз суроолоруна жооп алышты.
Ошондой эле, үй-бүлөлүк зомбулуктан сактоо жана коргоо боюнча субъекттердин кызматкерлерине мыйзам талаптарын так сактоо зарылдыгы эскертилди.
Бул жолугушуу жарандардын коопсуздугун камсыз кылуу жана коомдук тартипти бекемдөө максатын көздөдү.
Кызыл-Кыя шаарынын мэриясынын
маалыматтык камсыздоо кызматы.
